爸爸公院覆診被2分鐘hea睇　醫生兒子反思：無耐性是理由或是藉口？

公院覆診等２小時見醫生２分鐘，可能不少港人都有深刻體會。急症專科醫生「急症狂人 Dr Kwong」最新在Facebook專頁分享，指患白內障父親到眼科醫院覆診，但醫生看了不足２分鐘就着其父親３個月後覆診，根本沒耐性聽病人有何不適。Dr Kwong爸爸表明不怪那位「無heart」的醫生，只希望兒子繼續努力，作為兒子的Dr Kwong感慨自己也或曾是病人眼中的「無耐性」醫生，反思醫生對病人的關懷。

Dr Kwong指，爸爸白內障愈來愈嚴重，今日(19日)去眼科醫院覆診，之後即刻WhatsApp短訊給兒子：

今日好令人失望。醫生只係見咗我唔夠2分鐘。佢好冇耐性，根本唔想聽我講有咩唔舒服，只係叫我三個月後再複診。我唔怪佢。對於一個冇heart嘅醫生，我不抱任何期望。希望你繼續努力。

Dr Kwong形容自己聽到後「個心唔舒服」，不單因為爸爸而不開心，而是自己也反思，

可能我都多次坐過那位醫生個位，比人一種『好求其、好冇耐性』嘅經歷。

他反思在本港醫療制度及在資源缺乏下，醫生不僅要「衝症」，又要去做其他臨床工作，實在很難一一聆聽病人，

有好多病人無理要求，期望過高，又將啲腳痛10年，手指麻痹5個月一一盡訴，邊可能時刻都保持關懷、耐性同愛心？

他又指出，雖然有人說醫生最重要能對症下藥不出錯，態度只是其次，但反問這到底是理由還是藉口，認為值得反思。

有留言亦分享指在公院眼科覆診，醫生同樣只是見得3分鐘，而他籌號是58，

一個朝早要睇58個（症），呢個係幾咁磨滅意志的事情！

病人認為公院眼科醫生「無heart」睇症，但眼科醫生為公院醫生平反，究竟公院眼科醫生有幾慘？【按此即看】